Mali i Zi është një vend pacifist, i përkushtuar ndaj paqes dhe demokracisë, por duhet të bëjë përpjekje shtesë dhe të forcojë institucionet në mënyrë që fenomenet negative globale të mos ndikojnë në cilësinë e jetës së qytetarëve tanë, tha zëvendëskryeministri Dritan Abazoviq në Platformën Kombëtare kundër Ekstremizmit të Dhunshëm organizuar nga Qendra për Tranzicion Demokratik në Podgoricë. Në një video-mesazh, Abazoviq tha se Qeveria e Malit të Zi do të bëjë përpjekje shtesë për të luftuar të gjitha format e ekstremizmit. “Nuk janë të rralla rastet kur ka nevojë për tensione dhe arritje të qëllimeve të ndryshme politike, ekstremizmi angazhohet edhe në krimin e organizuar, duke e mbuluar me interesa kombëtare dhe patriotizëm. Ka gjithnjë e më shumë shfaqje të ekstremizmit fetar i cili ka bashkëpunim të ngushtë me politikën”, tha ndër të tjera në hapje drejtori ekzekutiv i CDT-së, Dragan Koprivica. Ai tha se manifestimet e ekstremizmit fetar, i cili rrezikon të kthehet në fundamentalizëm, po bëhen gjithnjë e më të shpeshta. “Ne jemi të shqetësuar nga psikologjia kolektive e urrejtjes ndaj njëri-tjetrit”, tha ai. Anëtari i Parlamentit Evropian Vladimir Bilçik tha se lufta kundër atyre që duan të minojnë demokracinë është diçka që duhet të bashkojë të gjithë politikanët.
