Ne do të bëjmë gjithçka që Hotel Mediteran të jetë hapi i parë drejt investimeve më të mëdha në Ulqin dhe për të shfrytëzuar më mirë potencialet turistike në komunën më jugore të Malit të Zi në periudhën e ardhshme, tha zëvendëskryeministri Dritan Abazoviq për shtyp me rastin e nënshkrimit të një kontrate me Hotel Mediteran në Ulqin. Ai kujtoi se jo të gjitha detyrimet e ndërmarra u përfunduan në Hotel Mediteran, por se ata arritën një zgjidhje të mbështetur nga investitori, që do të thotë investime prej 13 milion euro në tre vitet e ardhshme. Në këtë mënyrë, ata dërgojnë mesazhin se investitorët janë të mirëpritur në Mal të Zi. Ministri i Zhvillimit Ekonomik, Jakov Millatoviq, tha se e gëzon fakti që Ulqini të ketë një hotel në vitin 2025 që do të jetë gati për të mirëpritur turistët me një kategorizim të paktën katër yje.
