Sot, Mali i Zi ka gati 50 mijë vaksina dhe së paku 200 mijë të tjerë priten së shpejti në Ministrinë e Shëndetësisë. Nga Ministria deklaruan se tani më shumë se një e treta e të rriturve janë vaksinuar me të paktën një dozë, dhe më shumë se një e katërta janë imunizuar plotësisht. Siç thuhet në njoftim, nga dhjetori e deri më sot, mbi 330 mijë vaksina kanë mbërritur në Malin e Zi. Ata thanë se rezultatet janë pasojë e menaxhimit të përgjegjshëm të krizave në bashkëpunim me ndihmën vetëmohuese të partnerëve ndërkombëtarë dhe, natyrisht, të qytetarëve të ndërgjegjshëm të Malit të Zi. Kur të vijë koha për të azhurnuar kushtet për hyrjen në vendet anëtare të BE-së, dhe ne vazhdojmë të plotësojmë kushtet e parashikuara, nga Ministria shpresojnë se BE do të inkurajojë, shpërblejë dhe vlerësojë qasjen profesionale, transparente dhe të qëndrueshme të Malit të Zi në monitorimin, dhe raportimin mbi situatën epidemiologjike në vend.
