Përfaqësuesi i koalicionit “Bashkë nji za” dhe kreu i Partisë Demokratike, Fatmir Gjeka, theksoi që mund të bisedojnë për hyrjen në qeveri, por në kushte të caktuara, duke shtuar se ata nuk do të jenë në qeverinë në të cilën është Fronti Demokratik (FD). Gjeka për gazeten Dan tha se në koalicionin që ai përfaqëson, nuk është vënë kurrë në dyshim rruga euro-atlantike e Malit të Zi. “Pozicioni ynë se nuk do të jemi në qeverinë në të cilën ndodhet Fronti Demokratik, në thelb ka mbetur i njëjtë. Në periudhën e mëparshme, FD gjithashtu konfirmoi se nuk trashëgon vlerat evropiane, dmth se integrimet pro-ruse janë më afër tyre. Kjo është legjitime, por bie në kundërshtim me angazhimet tona programore, si dhe pozicionet e proklamuara të kësaj qeverie,” deklaroi Gjeka. Ai theksoi se nëse nuk do të ishte FD pjesë e Qeverisë, të gjitha opsionet do të ishin të hapura. “Ne besojmë se përbërësit e tjerë të qeverisë e njohin qartë, e shohin dhe e kuptojnë se bota, situata evropiane dhe madje edhe rajonale po ndryshon dhe se Mali i Zi, si një vend i vogël dhe një anëtar i NATO-s, duhet të jetë i gatshëm për këtë. Që nga themelimi dhe në të ardhmen, rruga Euro-Atlantike nuk është vënë kurrë në pikëpyetje nga Partia Demokratike dhe koalicioni ynë,” vuri në dukje Gjeka. Të enjten e kaluar, Kryeministri Krivokapiq tha se në qeverinë në të cilën ai është kryeministër nuk do të ketë të tjerë përveç ekspertëve, duke theksuar se kjo vlen edhe për pakicat. Ai vuri në dukje se shumica parlamentare mund të vendosë për një model tjetër të formimit të qeverisë dhe se do të ishte legjitime. Të shtunën pas seancës së Presidencës Partia Demokratike Popullore u theksua se Krivokapiqit do t’i ofrohej një riorganizim qeveritar, i cili do të përfshinte politikanë nga partitë që mbështesin partinë aktuale dhe që do të drejtohet nga kryeministri aktual. Nëse Krivokapiq do të hedhë poshtë një modalitet të tillë, ata paralajmëruan se PDP do të fillojë zgjedhjen e një qeverie të re, të përbërë nga shumica parlamentare aktuale dhe partitë e pakicave, të cilat nuk do të drejtohen nga Krivokapiq.
