Është e rëndësishme që Mali i Zi të vazhdojë të tregojë me veprimet e tij se është një aleat i përkushtuar i NATO-s, tha Sekretari i Përgjithshëm i Aleancës, Jens Stoltenberg. I pyetur nga gazetarët me rastin e anëtarësimit katër vjeçar të Malit të Zi në Aleancë, si dhe nëse ai ka frikë se koalicioni aktual qeverisës, i cili është kryesisht i përbërë nga parti anti-NATO, mund të prishë marrëdhëniet midis Malit të Zi dhe NATO-s, Stoltenberg tha se nga presidenti dhe kryeministri Mali i Zi ka marrë sigurime se Mali i Zi do të jetë një anëtar i përkushtuar i NATO-s. Ai thekson se NATO është një aleancë e 30 demokracive, dhe se ka mendime të ndryshme, parti politike dhe qëndrime të ndryshme për çështje që lidhen me NATO-n. Sekretari i Përgjithshëm gjithashtu thekson se Mali i Zi është një aleat i vlefshëm dhe kontribuon në stabilitetin në rajon dhe misionet dhe operacionet e NATO-s.
