Në përputhje me situatën aktuale epidemiologjike dhe masat e reja të miratuara nga Ministria e Shëndetësisë, të gjitha institucionet arsimore publike dhe private në komunat e Tuzit, Gucisë, Plavës, Petnjicës, Rozhajës, Zhablakut, Andrijevicës, Danillovgradit, Budvës, Tivatit dhe Kollashinit do të fillojnë punën e rregullt të hënën, më 29 mars. Në komunat e tjera në Mal të Zi, institucionet parashkollore publike dhe private nuk do të funksionojnë, ndërsa shkollat fillore dhe të mesme dhe institucionet e arsimit të lartë do të vazhdojnë të zbatojnë mësimin në distancë. Shkollat dhe opinioni do të informohen në kohën e duhur për hapat e mëtejshëm në organizimin e orëve, të cilat do të ndërmerren në përputhje me situatën epidemiologjike.
