Mbyllja e institucioneve vetëm për shkak të pakënaqësisë me punën e tyre nuk është një shenjë e pjekurisë demokratike ose e gatishmërisë për anëtarësim në Bashkimin Evropian, tha ambasadori gjerman në Malin e Zi, Robert Weber. Në një intervistë për TV Vijesti, ai tha se Brukseli nuk reagoi ashpër ndaj Projekt Ndryshimeve në Ligjin për Prokurorinë e Shtetit dhe Projektligjit për Prokurorinë për Krimin e Organizuar, por bëri të qartë se çfarë pasojash miratimi i “ndryshimeve ligjore të propozuar me ngut” mund të ketë. Weber kujton se ndryshimet kushtetuese nga 2013, të cilat forcuan pavarësinë dhe përgjegjësinë e gjyqësorit, ishin një parakusht për hapjen e negociatave të pranimit me BE. Se si e vlerëson periudhën pas ndryshimit të parë demokratik të qeverisë në Malin e Zi dhe si e vlerëson punën e qeverisë deri më tani, Weber thotë se ndryshimi i qeverisë përmes zgjedhjeve demokratike është një shenjë e pjekurisë demokratike.
