Zyrtarët e Komisionit Evropian dhe përfaqësuesit e institucioneve përkatëse malazeze analizuan elementët më të rëndësishëm të zonës komplekse të sundimit të ligjit dhe hapat kryesorë të ardhshëm në takimin e dhjetë të Nënkomitetit BE-Mali i Zi për Drejtësi, Liri dhe Siguri, mbajtur më 17 dhe 18 Mars 2021. Në takimin e mbajtur online u diskutua në veçanti për përmbushjen e angazhimeve të Malit të Zi në negociatat e pranimit në BE në fushat kryesore të politikave të mbuluara nga Kapitujt 23 dhe 24, të cilat përfshijnë, ndër të tjera, reformën gjyqësore, të drejtat themelore, luftën kundër korrupsionit dhe krimit të organizuar, bashkëpunimin gjyqësor, bashkëpunimin në luftën kundër trafikut të drogës dhe terrorizmit, si dhe migracionin dhe menaxhimin e kufirit. Përfaqësuesit e Malit të Zi thanë se angazhimi strategjik i Malit të Zi është të bëhet anëtari tjetër i Bashkimit Evropian dhe se të gjitha kapacitetet do të vazhdojnë të përqendrohen në përmbushjen e kritereve nga agjenda e pranimit në BE, me një fokus në marrjen e raporteve mbi standardet e përkohshme për kapitujt 23 dhe 24.
