Dy javët e ardhshme janë vendimtare për të ruajtur shëndetin në Mal të Zi, dhe masa e lëvizjes së kufizuar është miratuar si një nga ato thelbësore dhe duhet të respektohet, tha drejtori i Institutit të Shëndetit Publik Boban Mugosha dhe Vesna Miranoviq nga Drejtoria për Kontrollin e Cilësisë së Kujdesit Shëndetësor. Ata sqaruan se masat e zbatuara nga Trupi Koordinues Kombëtar janë miratuar me ligj dhe janë një tregues i përgjegjësisë së shtetit për shëndetin publik.
Mugosha tha se kufizimi i lëvizjes është një nga masat thelbësore që duhet të jetë pjesë e të gjitha përpjekjeve kur pritet kulmi i epidemisë, pas 14 ditësh nga rastet e para të regjistruara.
Ai shtoi se disa qytetarë nuk kanë ndjekur rekomandimet e mëparshme dhe se qëllimi nuk është që të mbushin 600 shtretër në Qendrën Klinike.
“Duke pasur parasysh që qytetarët individualë nuk respektojnë qëllimet individuale, ne është dashur të miratojmë masa më të rrepta. Ju lutemi pranoni këto masa,” tha ai.
Ata do të përpiqen të zgjidhin çdo problem që do të paraqitet, tha Mugosha.
Miranoviq theksoi se nuk kishte nevojë për të shpallur gjëndje të jashtëzakonshme.
