Nga Fronti Demokratik theksuan se nëse Ligji për Regjistrimin nuk miratohet në shtator dhe nuk zbatohet deri në fund të vitit në përputhje me Kushtetutën dhe Ligjin, ata do të rrëzojnë Qeverinë e Zdravko Krivokapiq. Kreu i klubit parlamentar të FD Sllaven Radunoviq në konferencë për shtyp, tha se regjistrimi është një detyrim ligjor dhe në çdo mënyrë, ai detyrim pengohet nga njerëzit që erdhën në pushtet në krahët e atyre që donin të deklaroheshin për këtë. Ai i tha kryeministrit Krivokapiq se nëse ky ligj nuk shfaqet në Kuvend në shtator, FD do të rrëzojë Qeverinë. Në lidhje me këtë deklaratë reagoi Kryeministri i Malit të Zi, Zdravko Krivokapiq, ku theksoi se Fronti Demokratik keqpërdori vullnetin e qytetarëve të Malit të Zi duke njoftuar mundësinë e rrëzimit të Qeverisë së Malit të Zi me PDS. Kryeministri i tha FD-së se nuk do ta shantazhojë më Qeverinë e Malit të Zi me asgjë, dhe shtoi se Projektligji për Regjistrimin është tashmë gati dhe do të diskutohet në seancën e Qeverisë në ditët në vijim.
