Mbajtja e sotme e Konferencës Ndërqeveritare mes Bashkimit Evropian dhe Malit të Zi në Bruksel është një mirënjohje për vendin tonë në drejtim të përshpejtimit të përmbushjes së standardeve të përkohshme të mbetura në kapitujt që kanë të bëjnë me sundimin e ligjit, por edhe për mbylljen e kapitujve të mbetur të negociatave.
Kështu thuhet në platformën për pjesëmarrjen e kryeministrit Millojko Spajiq në atë event, e cila u miratua nga Qeveria në një seancë telefonike më 26 janar.
Qëllimi i konferencës së sipërpërmendur është shkëmbimi i mendimeve dhe pikëpamjeve ndërmjet përfaqësuesve të vendeve anëtare të BE-së dhe shteteve kandidate në nivel të lartë. Sipas qeverisë, delegacioni malazez do të ketë mundësinë të shkëmbejë mendime dhe ide me përfaqësuesit e vendeve anëtare të BE-së për mënyrat e përshpejtimit të procesit të zgjerimit, si dhe të shqyrtojë aspektet përmes të cilave mund të përdoret momenti për të forcuar vetë Bashkimin Evropian.
