Të gjitha llojet e karburanteve nga mesnata do të rriten nga tre deri në pesë cent, njoftoi Ministria e Energjisë dhe Minierave.
Eurosuper 95 dhe 98 do të rriten me tre cent secili dhe në 15 ditët e ardhshme do të kushtojnë 1.49 euro dhe 1.53 euro.
Çmimi i Eurodieselit do të jetë pesë cent më i lartë dhe do të kushtojë 1.46 euro. Nafta për ngrohje do të rritet me katër cent në 1.43 euro.
Ndryshimet e fundit të çmimeve ishin më 16 janar, kur të gjitha llojet e karburanteve u liruan me një deri në dy cent.
Në përputhje me dispozitat e Rregullores për mënyrën dhe nivelin e elementeve mbi bazën e të cilave formohen çmimet maksimale të derivateve të naftës, llogaritja e radhës do të bëhet më 12 shkurt dhe çdo çmim i ndryshuar i derivateve të naftës do të jetë i vlefshëm nga 13 shkurti.
