Gjel deti i mbushur

Përbërësit

• Gjel deti (diku tek 7 kg)
• 50 gram gjalpë i shkrirë
• ½ limon
• Kripë, piper
• Për mbushjen e gjelit të detit: 3 qepë të grira imët
• 200 gram selino të grira hollë
• Të brendshmet e gjelit
• 100 gram arra
• 100 gram rrush të thatë
• 10 ullinj
• 1 mollë jeshile e prerë në feta të holla
• 2 feta bukë të thekura.

Udhëzimet

1. Gjeli i detit duhet larë dhe pastruar mirë. Kini kujdes të lani mirë edhe të brendshmet e tij.
2. Në një tigan skuqni qepën e grirë imët me pak vaj. Shtoni më pas edhe të brendshmet. I përzieni mirë.
3. E hiqni nga zjarri dhe i shtoni më pas, mollën, ullinjtë, rrushin e thatë, arrat, selinonë dhe bukën e thekur të prerë në kubik të vegjël.
4. I përzieni mirë dhe tani është koha të mbushni gjelin me të. Ngjesheni mirë.
5. Në fund e lidhni gjelin me spango, tek pjesa e këmbëve.
6. Tani e lyeni me gjalpë të gjithë sipërfaqen e tij.
7. E vendosni në një tavë dhe e fusni në furrë të piqet ngadalë përreth 2 orë, megjithëse kjo është relative varësisht furrës.
8. Ju bëftë mirë!