Kuvendi i Malit të Zi do të vazhdojë punën, tha kryeparlamentarja Danijela Gjuroviq, duke shtuar se Ligji për zgjedhjen e këshilltarëve dhe deputetëve përcakton se mandati i deputetëve përfundon me konstituimin e thirrjes së re parlamentare.
Gjuroviq u tha këtë gazetarëve në Parlament pas hapjes së ekspozitës “Po ju tregoj një histori”.
E pyetur se si i komenton mendimet e disa juristëve se pas kalimit të dekretit për shpërndarjen me forcën e ligjit dhe Kushtetutës i mbaron mandati deputetëve, ajo tha se Ligji për zgjedhjen e këshilltarëve dhe deputetëve thotë qartë se mandati i deputetëve përfundon me konstituimin e Kuvendit të ri të mbledhjes pas zgjedhjeve.
“Deputetët janë plotësisht në mandatin e tyre deri në konstituimin e thirrjes së re pas zgjedhjeve. Prandaj, ajo tezë absolutisht nuk qëndron”, tha Gjuroviq.
Ajo theksoi se kjo është praktikë edhe në disa vende të tjera, anëtare të Bashkimit Evropian.
“Do të doja të pyesja opinionin ekspert, nëse më thonë, duke qenë se zgjedhjet për president të vendit janë më 2 prill, para kujt dhe ku do të bëjë betimin presidenti i ri dhe si do ta fillojë mandatin e tij nëse Parlamenti nuk po funksionon”, tha Gjuroviq.
Ajo shtoi se Parlamenti mund të mos e kalonte buxhetin nëse do të ishte fundi i vitit.
“Por Kuvendi absolutisht vazhdon të punojë. Ne presim që në maj, kur është caktuar, para kësaj mbledhjeje të Parlamentit, presidenti i ri të bëjë betimin dhe kështu të fillojë mandatin e tij”, tha Gjuroviq.
