Deputetët e Malit të Zi po diskutojnë për projektligjin për buxhetin për vitin 2024.
Ministri i Financave Novica Vukoviq ka ripërsëritur se buxheti për vitin e ardhshëm parashikohet të jetë 3,47 miliardë euro dhe do të mungojnë rreth 700 milionë euro.
Sipas përfaqësuesve të qeverisë, buxheti për vitin 2024 është fiskalisht i qëndrueshëm dhe i përgjegjshëm, sepse shpenzimet korrente mbulohen nga të hyrat korrente, ndërsa opozita mendon se është në prag të qëndrueshmërisë dhe jo zhvillimor.
Propozimi i buxhetit për vitin 2024 nuk është zhvillimor por konsumator sepse dy të tretat shkojnë për paga, pensione dhe përfitime sociale, paraqet kërcënim për sektorin e dobësuar ekonomik, jep parashikime joreale prej 300 milionë eurosh të ardhura shtesë krahasuar me këtë vit.
Përveç kësaj, nuk ka ulje të shpenzimeve diskrecionale, por është në rritje, rritje të premtuara pagash, buxheti kapital është 30 milionë më pak se në 2019, kontratat e punës arrijnë në 20 milionë euro.
Këto janë vlerësimet kyçe të deputetëve të opozitës për aktin më të rëndësishëm ekonomik për vitin e ardhshëm, me propozimin për taksën e huamarrjes, që u diskutua në parim sot në plenum dhe do të vazhdojë në ditët në vijim.
