Lionel Messi bëri një tjetër paraqitje të shkëlqyer, teksa Paris Saint-Germain mposhti Maccabi Haifan në Ligën e Kampionëve të martën, me parisienët që konfirmuar vendin e tyre në fazën eliminatore.
Messi nuk pati një sezon të parë të mrekullueshëm në Ligue 1, pasi kishte ngritur standard të lartë, ai dukej pak më mirë duke luajtur në Evropë, por për shtatë herë fituesin e Topit të Artë ishte ende vite dritë nga më e mira e tij, duke mos u futur as në listën e 30 lojtarëve për Topin e Artë.
Megjithatë, shtatë herë fituesi i Topit të Artë në këtë sezon është duke treguar formë të lartë dhe paraqitje të mrekullueshme në çdo ndeshje.
35-vjeçari ka shënuar gjashtë gola dhe ka dhënë nëntë asistime, në vetëm nëntë ndeshje në ligë deri më tani, duke u treguar përsëri lojtari që bënë diferencën.
Të martën në mbrëmje, PSG luajti kundër Maccabi Haifës në ndeshjen e pestë të Ligës së Kampionëve, me skuadrën izraelite që kishte tronditur Juventusin në raundin e kaluar të ndeshjeve.
Por, nuk pati një befasi të dytë nga izraelitët, pasi ekipi francez fitoi me rezultat të thellë 7-2, me Christophe Galtier që zgjodhi skuadrën e tij më të fortë për të shmangur çdo shqetësim.
Messi ishte në qendër të vëmendjes, duke qenë akteri kryesor i ndeshjes, i përfshirë në katër gola.
Argjentinasi shënoi dy supergola, asistoi dy të tjerë, ndërsa krijoi edhe shumë raste për bashkëlojtarit, por që nuk arritën të konkretizohen.
Video e paraqitjet së Messit me pikat kryesore tregon saktësisht se sa i mirë ishte ai, me shumicën e tifozëve që po e cilësojnë si paraqitje e një niveli tjetër. /Telegrafi/
