Do të krijojmë kushte që shteti të bëhet shërbim i vërtetë për qytetarët, tha ministri i Administratës Publike Marash Dukaj. Ai tha se gjatë takimit me ambasadorin e Austrisë Karl Miller. Siç është bërë e ditur nga Ministria, Dukaj në fillim falënderoi për mbështetjen e plotë që Austria i jep Malit të Zi, veçanërisht në procesin e integrimeve evropiane, si dhe e njoftoi ambasadorin për prioritetet në punën e ministrisë që ai drejton. “Ne jemi të përkushtuar ndaj zhvillimit dixhital dhe modernizimit të administratës publike si një segment i rëndësishëm i reformës së administratës publike. Prioriteti ynë është krijimi i një administrate publike efikase, racionale dhe transparente – një administratë e orientuar nga qytetarët, si në nivel shtetëror ashtu edhe në atë lokal. Do të krijojmë kushte që shteti të bëhet një shërbim real për qytetarët”, tha Dukaj. Ai theksoi se përvoja austriake në fushën e dixhitalizimit të shërbimeve publike është një shembull i mirë, kështu që në periudhën e ardhshme duhet të vendosim modele të bashkëpunimit dhe shkëmbimit të përvojave në drejtim të përmirësimit të cilësisë së shërbimeve publike dhe modernizimit në sektorin publik. Duke uruar për emerimin ministrin Dukaj, ambasadori Miller vuri në dukje se dy vendet janë të ndërlidhura, marrëdhënie tradicionalisht të mira politike dhe dypalëshe në të gjitha fushat dhe bashkëpunim i vazhdueshëm ndërmjet dy vendeve. “Austria do të vazhdojë t’i ofrojë mbështetje Malit të Zi në procesin e mëtejshëm të integrimit evropian dhe proceseve reformuese. Do të ofrojmë mbështetje eksperte në të gjitha nivelet, veçanërisht në fushën e reformës së administratës publike dhe transformimit dixhital dhe shkëmbimit të përvojave përmes zbatimit të programeve dhe projekteve të përbashkëta”, tha ambasadori Miller. Bashkëbiseduesit vlerësuan se ka hapësirë të konsiderueshme për bashkëpunim mes dy vendeve dhe shkëmbim të praktikave më të mira dhe bashkëpunim në shumë fusha.
