Kryeministri i Malit të Zi, Millojko Spajiq, vizitën zyrtare në Bruksel e filloi me një takim me kryetaren e Dhomës së Përfaqësuesve të Belgjikës, Elian Tilije, ku gjatë bisedës u theksuan marrëdhëniet e shkëlqyera dypalëshe, të cilat janë reflektuar në dialogun e vazhdueshëm politi. dhe bashkëpunim të shkëlqyer brenda NATO-s.
“Belgjika vlerëson veçanërisht respektimin e Malit të Zi me politikën e përbashkët të jashtme dhe të sigurisë të BE-së”, theksoi kryetarja e Dhomës së Përfaqësuesve.
Ajo gjithashtu theksoi se Bashkimi Evropian ka nevojë edhe për anëtarë të rinj, dhe Mali i Zi është lider në procesin e anëtarësimit dhe Tilije inkurajon qeverinë e re që të vazhdojë me reformat e filluara.
“Dëshiroj të përshëndes përpjekjet e deritanishme për përparimin e Malit të Zi, anëtarit të ardhshëm të familjes së madhe evropiane, dhe të inkurajoj kryeministrin që të vazhdojë të përparojë në këtë kuptim, për të cilin nuk kam asnjë dyshim pas takimit gjatë të cilit u tregua një vullnet i fortë për një të ardhme pozitive në Bashkimin Evropian”, tha Tillije.
Kryeministri Spajiq e njoftoi Kryetaren e Dhomës së Përfaqësuesve për sukseset e shumta që ka arritur Qeveria e 44-të në një periudhë të shkurtër kohore.
Ai gjithashtu theksoi rëndësinë e stabilitetit politik, i cili rezultoi me një mbështetje të madhe historike për vendimet vendimtare të marra në Kuvend në periudhën e kaluar.
Spajiq prezantoi planin për reforma të mëtejshme dhe theksoi rëndësinë e mbështetjes së ekspertëve nga Bashkimi Evropian në këtë rrugë.
