Këtyre rrobave assesi nuk duhet shtuar zbutës
Struktura e këtij materiali kërkon larje në temperatura të ulëta, mirëpo vetë zbutësi nuk mund të depërtojë brenda dhe mbetet vetëm si lyerje.
Rrobat të cilat kanë aromë të mirë është diçka që të gjithë i duam, prandaj edhe u qesim zbutës me rastin e çdo larjeje.
Megjithatë, duhet pasur në mendje që ekzistojnë lloje rrobash, stofi i të cilave kurrë nuk duhet të ketë kontakt me zbutësin.
Rrobat të cilat në përbërjen e vet kanë pjesëmarrje më të madhe poliesteri sesa nga pambuku mund të dëmtohen nëse kanë kontakt me zbutës, transmeton Telegrafi.
Ato kryesisht janë rroba sportive, rroba banje, por edhe getet dhe bluzat të cilat punohen me pjesëmarrje të madhe poliesteri.
Poliesteri është i thurur ndryshe nga materialet e tjera, andaj është e nevojshme të bëhet ndryshe edhe larja.
Kjo kërkon larje në temperatura të ulëta, ndërkaq vetë zbutësi nuk mund të depërtojë në poliester dhe mbetet vetëm si lyerje.
Midis stofit dhe lyerjes mbetet ndotja. Poliesteri në atë rast nuk mund të marrë frymë, ndërkaq djersa dhe papastërtia stofin e shkatërrojnë më shpejt. /Telegrafi/
