FERMERËT INVESTUAN 1.5 MILION EURO

Nëpërmjet ftesës publike për mbështetjen e furnizimit të makinerive, fermerët malazezë kanë investuar 1.54 milion euro për furnizimin e makinerive dhe pajisjeve të ndryshme, nga të cilat  gjysma e kësaj shumë është nga mbështetja e pa kthyeshme e ministrisë, tha zëvendëskryeministri dhe ministri i Bujqësisë së MZ, Millutin Simoviq.

Simoviq, sot  gjatë ditës së dytë të vizitës së punës në Plevla, i dorëzoi fermerëve nga kjo komunë zgjedhjen për ndarjen e mbështetjes për blerjen e makinerive.

Siç njoftohet nga Ministria e Bujqësisë, fjala është për mbështetje që është kryer nga Agrobuxheti për vitin 2018 përmes thirrjes publike e cila ka përfunduar kohët e fundit.  “Rezultatet e kësaj thirrjeje u prezantuan në Plevla, pasiqë numri më i madh i aplikimeve të pranuara dhe miratuara, janë pikërisht nga Plevla e që numërojnë 98 nga 559 kërkesa të dorëzuara”, kumtuan nga ministria e bujqësisë.

Zëvendëskryeministri dhe ministri i bujqësisë së MZ, Millutin Simoviq tha se Qeveria i kushton më shumë vëmendje bujqësisë , prandaj  për mbështetjen e këtij sektori përmes programit të ri MIDAS,  u siguruan 30 milionë euro, kurse përmes programit IPARD në katër vitet e ardhshme do të investohen 87 milionë euro.

SHARE