Hazard nuk ka qenë kurrë më në formë, por Real Madridi dëshiron prapë se prapë ta shesë

Kur Eden Hazard mbërriti në Real Madrid në verën e vitit 2019, askush nuk mund ta imagjinonte se tre vjet më vonë ai do të ishte bërë një lojtar që nuk do ta dëshironte pothuajse askush.

Reprezentuesi belg, megjithatë, u la në bankinë në humbjen 4-0 nga Barcelona të dielën dhe tani ka kaluar pesë ndeshje të njëpasnjëshme jashtë fushës – me paraqitjen e tij të fundit kundër Alaves më 19 shkurt, kur ai luajti vetëm gjashtë minuta.

Ai tani nuk ka arritur të figurojë në të shtatë El Clasico që janë luajtur gjatë kohës së tij në Spanjë – për shkak të lëndimeve dhe formës së tij – dhe duket se ka humbur besimin nga stafi stërvitor në Santiago Bernabeu.

Goal ka mësuar se Hazard është i hutuar dhe i frustruar nga mospërfshirja e tij nga planet e Carlo Ancelottit pasi ai beson se betejat e formës dhe kondicionit janë lënë pas.

Personat e afërt me sulmuesin 31-vjeçar kanë thënë për dështimin e tij për të dalë në fushë kundër Barcelonës: “Ai me të vërtetë donte të luante lojën. Ai është i trishtuar. Ai kurrë nuk ka qenë aq në formë sa është sot në të gjithë karrierën e tij”.

Hazard mendon se po bën gjithçka që mundet për të bindur trajnerin italian për vlerën e tij, por Ancelotti vazhdon të favorizojë Vinicius Junior në krahun e majtë, ndërsa Rodrygo dhe Marco Asensio konkurrojnë për në të djathtë.

Me një njeri të blerë nga Chelsea për 140 milionë euro që bën pak përshtypje në grupin e skuadrës së parë për momentin, kuptohet se qëllimi i Realit mbetet për të larguar Hazardin në verën e vitit 2022.

Një marrëveshje huazimi mund të bëhet i vetmi opsion i mundshëm për të gjitha palët, me Realin që ende duhet të mbulojë disa kosto pagash atje, pasi gjetja e një blerësi për një lojtar, vlera e të cilit ka rënë ndjeshëm gjatë kësaj kohe për një kontratë fitimprurëse nuk do të jetë e lehtë.

Liga Premier konsiderohet si destinacioni më i mirë për Hazard, me paraqitjet e tij atje që janë ende të paharrueshëm në qëndrimin shtatë-vjeçar në Stamford Bridge.

Një rikthim në Chelsea ishte gati për t’u eksploruar, për shkak të lidhjeve të dukshme emocionale, por sanksionet e vendosura ndaj Roman Abramovich dhe një sagë e vazhdueshme e blerjes në Londrën perëndimore i kanë komplikuar gjërat në mënyrë të konsiderueshme. /Telegrafi/

SHARE