Dy ditët e mëparshme, drejtorët e shkollave fillore malazeze patën takime me përfaqësuesit e Institutit të Shëndetit Publik dhe Ministrisë së Arsimit, në të cilën u vendos që viti i ri shkollor të filloje më 1 tetor, ku nxënësit nga klasa e parë deri në të 6-të të vijojnë mësimet rregullisht.
Ndërsa për nxënësit nga klasat VII-IX mësimi do të organizohen online. “Nxënësit që do të ndjekin shkollën sipas modelit të zakonshëm do të duhet të ndahen në grupe me nga 15 nxënës, orët e mësimit do të shkurtohen në 30 minuta dhe do të zgjasin maksimum katër orë”, thuhet në deklaratë.
Më tej theksohet se gjatë javës tjetër, shkollat do të marrin rekomandime nga ISHP dhe Ministria e Arsimit të cilat do të ndihmojnë në organizimin e orëve në përputhje me masat e zbatueshme.
Për shkak të situatës aktuale epidemiologjike me koronavirusin, Trupi Koordinues Kombëtar, me rekomandimin e ISHP-së, vendosi të shtyjë fillimin e vitit të ri shkollor në 1 tetor.
