Ekziston një interes i ndërsjellë për forcimin e mëtejshëm të bashkëpunimit afarist mes Malit të Zi dhe Sllovenisë, rritjen e investimeve dhe krijimin e vendeve të reja të punës në Mal të Zi, u konkludua në takimin e presidentit të Malit të Zi, Milo Gjukanoviq, me drejtorët dhe anëtarët e menaxhmentit të kompanive nga Sllovenia që punojnë në vendin tonë. Reciprokisht u theksua se mes Sllovenisë dhe Malit të Zi ekziston një bashkëpunim politik i hapur, miqësor dhe i qëndrueshëm dhe një bashkëpunim ekonomik shumë i gjatë dhe i suksesshëm. “
Disa nga kompanitë më të mëdha dhe më të njohura sllovene operojnë në Mal të Zi në fushën e financave, sigurimeve, logjistikës, energjetikës, ndërsa Klubi Slloven i Biznesit punon në Mal të Zi për më shumë se 15 vjet”, thanë bga kabineti i Presidentit të Malit të Zi. U konstatua se kultivimi dhe forcimi i mëtejshëm i lidhjeve politike dhe ekonomike ndërmjet dy vendeve kontribuon në dinamikën më të shpejtë të afrimit të Malit të Zi në Bashkimin Evropian dhe se ka hapësirë të madhe për shkëmbim përvojash dhe takime të ngjashme paralajmërohen në periudhën e ardhshme.
