Të gjitha subjektet politike në institucionet demokratike duhet të angazhohen në një debatë konstruktive dhe debati duhet të zhvillohet në parlament, tha komisionari i Bashkimit Evropian për Zgjerimin Johannes Hahn gjatë takimit me liderët e Demokratëve dhe Lëvizjes Qytetare Ura, Alleksa Beçiq dhe Dritan Abazoviq.
Beçiq dhe Abazoviq, me ftesë të Komisionarit Han në Bruksel, paraqitën Planin e Reformës Zgjedhore, e cila më parë ishte mirëpritur nga Komisioni Evropian, kumtuan nga këto parti politike. Ata i dorëzuan komisionarit Han detaje të elaborimit të planit të reformës zgjedhore prej 35 faqesh dhe siç thuhet në kumtesë, shprehën gatishmërinë që edhe me përkrahjen e Bashkimit Evropian në trupin punues “ad hoc” të luftojnë për implementimin konsekuent të zgjidhjeve të propozuara.
Beçiq i tha komisionarit Han, që ndryshe nga Gjukanoviq, i cili po dërgon mesazhe euroskeptike këto ditë dhe po dërgon shenja të mprehta në Bruksel dhe po shpall një drejtim të ri të politikës së jashtme, për kush e din të cilën herë me radhë, njerëzit për shekullin 21 mendojnë se anëtarësimi i Malit të Zi në Bashkimin Evropian nuk ka alternativë.
Abazoviq gjithashtu vuri në dukje se Mali i Zi më në fund ka një alternativë të besueshme pro-evropiane në opozitë dhe falënderoi Komisionarin Han për faktin se dyert e Komisionit Evropian janë të hapura për të gjitha forcat pro-evropiane.
Han përshëndeti Planin e Demokratëve dhe URA, sepse, siç theksoi ai, mendon se është në pyetje një dokument përmbajtës, i cili paraqet çështje specifike për shqyrtim në këto negociata.
“Reforma në fushën e sundimit të ligjit është e rëndësishme në procesin e integrimeve dhe mund të them se e kemi ndjerë ” ngadalësimin “në këtë fushë kur bëhet fjalë për procesin e negociatave dhe proceseve në Mal të Zi, në përgjithësi. Unë i gëzohem implementimit të këtij Planit dhe ju premtoj se Bashkimi Evropian është i gatshëm të ju mbështesin në këtë proces. Ky është vetëm fillimi i rrugës, e cila nuk është e shkurtër, e cila do të kërkojë kohë, por nëse ekziston angazhimi dhe këmbëngulja, shumë gjëra mund të arrihen. Plani është në interes të qytetarëve të Malit të Zi dhe është i rëndësishëm për standardet më të mira të qytetarëve të cilët mund të arrihen vetëm me një perspektivë evropiane. Ju uroj fat në të gjitha përpjekjet “, deklaroi Komisionari Han.
