Komisioni Evropian premtoi një miliard euro për rindërtimin e zonave të prekura nga tërmetet shkatërruese të shkurtit në jug të Türkiyes.
Presidentja e Komisionit të Bashkimit Evropian (BE), Ursula Von der Leyen, në fjalimin e saj në hapjen e Konferencës Ndërkombëtare të Donatorëve në Bruksel, bëri thirrje për mbështetje për zonat e prekura nga tërmeti në Türkiye dhe Siri.
“Kam kënaqësinë të njoftoj se vetëm Komisioni Evropian do të mbështesë Türkiyen me një miliardë euro për rindërtimin pas tërmetit”, tha Von der Leyen.Siç tha ajo, shtëpitë, shkollat dhe spitalet duhet të rindërtohen sipas standardeve më të larta të sigurisë sizmike dhe të riparohet infrastruktura kritike.
Von der Leyen theksoi gjithashtu se BE-ja nuk dëshiron të ndihmojë viktimat e tërmeteve që “vetëm të mbijetojnë, por edhe të rindërtojnë jetën e tyre”.
Ajo njoftoi një pako shtesë prej 108 milionë eurosh për ndihmë humanitare dhe rimëkëmbje të hershme në Siri.
