Foto: Luka Zeković
Familjet në Mal të Zi gjatë muajit maj 2026 konsumuan rreth 105.4 milionë kilovat-orë energji elektrike, që është 6.37% më pak krahasuar me prillin e këtij viti.
Megjithatë, krahasuar me majin e vitit 2025, konsumi është rritur me 5.93%.
Sipas njoftimit të Elektroekonomisë së Malit të Zi, fatura mesatare e energjisë elektrike për familjet ishte 29.15 euro.
Faturën më të ulët mesatare e kishin familjet në Rozhajë me 23.49 euro, ndërsa më të lartën ato në Kotorr me 34.52 euro.
Mbi 66% e familjeve do të marrin faturë deri në 30 euro, ndërsa vetëm 2.89% kanë pasur konsum me vlerë mbi 100 euro.
Po ashtu, rreth 161 mijë familje përfituan 38% zbritje në energjinë aktive përmes programit “Ekipi i Artë”, ndërsa mbi 53 mijë familje morën 21.5% zbritje.
Si masë e veçantë mbështetëse, 7,944 familje në Rozhajë përfituan 50% ulje të faturës, pas ndërprerjeve disaditore të furnizimit me energji elektrike që prekën këtë zonë.
