Prodhimi i brendshëm bruto (PBB) i Malit të Zi u rrit me 2.7 përqind në tremujorin e dytë, sipas të dhënave paraprake të Monstat.
Sipas rezultateve paraprake, PBB-ja në tremujorin e dytë ishte gati 1,85 miliardë euro, ndërsa në të njëjtën periudhë të vitit të kaluar ishte 1,72 miliardë euro.
Nga vendet e rajonit, Serbia u rrit me një normë prej katër për qind, Kroacia me 3.3 për qind dhe Maqedonia e Veriut me 2.3 për qind.
Monstat njoftoi gjithashtu se PBB-ja e Malit të Zi u rrit me 6.3 për qind vitin e kaluar.
„PBB-ja vitin e kaluar arriti në 6,96 miliardë euro, ndërsa në vitin 2022 në 5,92 miliardë euro”, thuhet në njoftim.
PBB për banor vitin e kaluar ishte 10.99 mijë euro, ndërsa në vitin 2022 ishte 9.6 mijë euro.
Të ardhurat kombëtare bruto të Malit të Zi vitin e kaluar, sipas të dhënave të Monstat, arritën në 7.03 miliardë euro dhe janë nominalisht më të larta se në vitin 2022 me 16.4 për qind.
„Bilanci i të ardhurave parësore nga jashtë për vitin e kaluar ka qenë pozitiv dhe ka arritur në 68,4 milionë euro, që është 49,6 milionë euro më pak se në periudhën krahasuese”, tha Monstat.
