Foto: Luka Zeković
Ministrja e Punës dhe Mirëqenies Sociale, Naida Nishiq, deklaroi se pret që së shpejti të arrihet një marrëveshje me partnerët socialë për Kontratën e Përgjithshme Kolektive, duke theksuar se dialogu duhet të zhvillohet pa kushte dhe presione.
Ajo tha se qeveria mbështet një zgjidhje që garanton rritje të të ardhurave në mënyrë të barabartë për të gjithë punëtorët, si në sektorin publik ashtu edhe në atë privat.
Sipas saj, inflacioni mbetet një sfidë, por programi „Evropa Tani“ ka ndihmuar në përmirësimin e standardit të jetesës.
Nishiq theksoi se dialogu social nuk është ndërprerë asnjëherë dhe se qeveria do të vazhdojë bisedimet me sindikatat dhe punëdhënësit derisa të arrihet një zgjidhje e pranueshme për të gjitha palët.
Ajo nënvizoi se legjislacioni i punës në Mal të Zi është i harmonizuar me direktivat moderne të Bashkimit Evropian dhe ka marrë vlerësime pozitive nga Organizata Ndërkombëtare e Punës.
Sipas saj, pas disa ndryshimeve teknike, kuadri ligjor do të jetë plotësisht në përputhje me kërkesat e Komisioni Evropian. Ministrja shprehu pritshmërinë që Kapitulli 19 – Politika Sociale dhe Punësimi – të mbyllet së shpejti në negociatat me Bashkimin Evropian.
Ajo shtoi se, edhe pse punëtorët do të kenë mundësi më të mëdha punësimi në vendet e BE-së, nuk pret largim masiv të fuqisë punëtore, pasi synimi i qeverisë është ta bëjë Malin e Zi një vend më tërheqës për punë dhe investime, me më shumë ardhje sesa largime të punëtorëve.
