Bayerni synon transferimin e tre yjeve nga Ajaxi

Bayern Munich është duke planifikuar të rinovojë skuadrën për edicionin e ardhshëm.

Kampioni në fuqi i Gjermanisë synon të sjell lojtarë të rinj e të talentuar në Allianz Arena për edicionin e ardhshëm.

Bavarezët kanë piketuar tre futbollistë të Ajaxit për edicionin e ardhshëm, pasi duan t’i transferojnë në Munich.

Mbrojtësi i djathtë maroken Noussair Mazraoui, mesfushori Ryan Gravenberch dhe sulmuesi brazilian Antony janë në listën e dëshirave të bavarezëve.

Marokeni Mazraoui në verë mbetet i lirë dhe Bayerni po rivalizon Barcelonën për t’i siguruar shërbimet e tij.

Ndërkohë për dyshen Gravenberch dhe Antony, gjiganti gjerman duhet të shpenzojë shumë për ta fituar garën me skuadrat tjera të mëdha që të nënshkruajnë me të.

Ajaxi e vlerëson Gravenberchin rreth 50 milionë euro, derisa sulmuesin anësorë Antony me 40 milionë euro të tjera.

Gjithnjë sipas mediave gjermane, drejtuesit e Bayernit kanë kontaktuar homologët e tyre te Ajax për të kërkuar informacione rreth lojtarëve në fjalë. /Telegrafi/

SHARE