Fushata “Stop Inflacionit” mori karakter të pandalshëm dhe ndryshoi psikologjinë e tregtarëve që të mendojnë në drejtim të uljes së çmimeve dhe artikujve të tjerë, tha ministri i Zhvillimit Ekonomik dhe Turizmit, Goran Gjuroviq.
“Aksioni ka marrë karakterin e tij të pandalshëm, që është një ndryshim i ndërgjegjes dhe mënyrës së të bërit biznes që tani do të jetë i pranishëm. Kjo do të thotë se ka filluar një garë më serioze. Ministria ka publikuar çmimet krahasuese në të gjitha tregjet, dhe tani klienti mund ta marrë lehtësisht telefonin dhe të shohë ku është më lirë për të, dhe tashmë po krijohet një frymë serioze konkurruese dhe kjo sjell gjithmonë çmime më të ulëta dhe cilësi më të mirë të shërbimit”, tha Gjuroviq në intervistën për agjencinë Mina.
Ai tha se aksioni u dha një shtysë të gjitha rrjeteve të shitjes me pakicë që të ulin çmimet ngadalë.
“Sigurisht që nuk mund t’i rrëzojnë nëse trendet globale nuk bien, por fatmirësisht të tilla janë tendencat për të rënë. Ky është një veprim unik në Evropë. Nuk kam parë që të ketë një shembull të ngjashëm të kësaj sinergjie mes qeverisë dhe ekonomisë dhe një përgjigje të tillë nga biznesmenët,” shtoi Gjuroviq.
