Ashtu siç edhe kishte paralajmëruar, reperi Gjiko publikoi të dielën këngën e tij më të re me titull “Gjoni”.
Kënga është ritmike e zhanrit hip-hop dhe trajton një tematikë të veçantë.
Muzika është realizuar nga vëllai i tij, reperi Big Bang Beats, ndërsa vargjet e tekstit janë të shkruara nga vet ai.
Foto: RedBox Entertainment/YouTube
Kënga është shumë e veçantë, pasi teksti i saj i dedikohet hasmërive ndër farefisnore, të cilat shpesh kanë ardhur si rezultat i hakmarrjes.
Pjesë e klipit janë edhe disa elemente tradicionale si oda e burrave të besës apo arkivoli i mbuluar me flamurin kombëtar.
Foto: RedBox Entertainment/YouTube
Klipi përmbyllet me një thënie të famshme të Anton Çetës, ku citohet: “Ma burrni o me fal se sa mu hakmarrë”.
Për klipin e këngës është kujdesur regjisori i besuar i reperit pejan, Valon Aziri. /Telegrafi/