Ndihmës Sekretari i Përgjithshëm i NATO-s për Sfidat e Reja të Sigurisë, David van Wel, ka pritur sot në selinë e NATO-s ministrin e Administratës Publike, Marash Dukaj dhe drejtorin e Drejtorisë për Infrastrukturë, Siguri të Informacionit, Digjitalizim dhe Shërbime elektronike, Dushan Polloviq.
Tema kryesore e takimit ishte mbështetja e NATO-s për forcimin e qëndrueshmërisë kibernetike të Malit të Zi.
“Aleatët e NATO-s ishin ndër të parët që na dhanë mbështetjen e tyre eksperte në eliminimin e dëmeve të shkaktuara nga sulmet kibernetike ndaj të cilave u ekspozua Mali i Zi gjatë vitit 2022”, theksoi Dukaj në takim.
Sipas deklaratës së Ministrisë, Dukaj në bisedë ka theksuar se Mali i Zi zbaton praktikën e mirë të partnerëve të tij.
Gjatë bisedës, Dukaj theksoi se presin mbështetje nga NATO në formimin e Agjencisë së Sigurisë Kibernetike dhe në forcimin e kapaciteteve dhe ekspertizës së ekipit të Qeverisë CIRT dhe Agjencisë.
