Instituti i Shëndetit Publik (ISHP) njofton se në 24 orët e fundit në Mal të Zi dy persona kanë humbur jetën si pasojë e koronavirusit dhe janë regjistruar 386 raste të reja pozitive me infeksion. ISHP-ja njoftoi se dy vdekje janë raportuar nga Plevla dhe Bijello Pole. Si rezultat, numri i përgjithshëm i vdekjeve që nga fillimi i pandemisë është rritur në 2,646. Siç thanë ata, deri në orën 15 është raportuar shërim i 456 pacientëve. “Duke marrë parasysh të gjitha rastet e reja të zbuluara si dhe numrin e të shëruarve, numri total i rasteve aktualisht aktive me COVID-19 në Mal të Zi është 2,826”, thekson ISHP. Që nga fillimi i ngjarjeve epidemiologjike në mars 2020, numri i përgjithshëm i rasteve të regjistruara të infektimit me virusin e ri në Mal të Zi është 227,859.
