Aktivitetet për të luftuar kontrabandën e cigareve filluan në vitin 2020, kur u krijua qeveria e re dhe më parë nuk ekzistonin, tha kryeministri Dritan Abazoviq. Ai para gazetarëve në Kuvend, pas seancës së Komisionit për Siguri dhe Mbrojtje për zhvillimet aktuale në sektorin e sigurisë dhe diplomacisë ndërkombëtare, tha se prokuroria dhe Drejtoria e Policisë duhet të lejohen të bëjnë punën e tyre. Abazoviq tha se është i kënaqur me punën e prokurorisë dhe policisë. “Megjithatë, duhet të kurorëzohet me veprime konkrete në periudhën e ardhshme dhe nxjerrjen e së vërtetës në shesh”, shtoi Abazoviq. Ai ka vlerësuar se nuk ka pasur vullnet politik që dikush të përballet me këto. Abazoviq tha se është e rëndësishme që njerëz si kryeprokurori special Vladimir Novoviq dhe ushtruesja e detyrës së prokurores supreme të shtetit Maja Jovanoviq të jenë në institucionin e sistemit.
