Kodi QR në faturë është një konfirmim i domosdoshëm se taksa është paguar, pa të nuk jeni të detyruar të paguani faturën e lëshuar, tha Ministri i Financave dhe Mirëqenies Sociale Millojko Spajiq. Ministria e Financave dhe Mirëqenies Sociale njoftoi se ata po punojnë më shumë në një fushatë për të rritur ndërgjegjësimin për rëndësinë e lëshimit të faturave të fiskalizuara me një kod QR. Ministria thekson se qëllimi i fushatës është të rrisë ndërgjegjësimin e qytetarëve dhe turistëve për rëndësinë e fiskalizimit / faturimit elektronik dhe raportimit të duhur të taksave, por edhe t’i inkurajojë ata të raportojnë çdo parregullsi. Ata shtuan se parregullsitë dhe moslëshimi i faturave të fiskalizuara mund të raportohen në Administratën e të Ardhurave dhe Doganave në numrin 19707, si dhe përmes portalit në internet budiodgovoran.me. Ministria thekson se raportimi i duhur dhe shlyerja e detyrimeve tatimore është baza për rimëkëmbjen e financave publike malazeze dhe ekonomisë.
