Mungesa e dialogut kërkon ndryshime në skenën politike në Mal të Zi, tha kryetarja e Kuvendit Danijela Gjuroviq dhe tha se në agjendën e saj do të jetë intensifikimi i dialogut. Siç thuhet në njoftimin e Kuvendit, Gjuroviq ka biseduar me ambasadoren britanike në Mal të Zi, Karen Medokos. Gjuroviq tha se një dialog cilësor për çështjet thelbësore, me theks në reformat në kapitujt 23 dhe 24, është parakusht për arritjen e çështjes së rëndësishme strategjike të anëtarësimit në Bashkimin Evropian (BE). Ajo theksoi se do të përpiqet të kontribuojë në përpjekjen për kompletimin e Këshillit Gjyqësor nga radhët e juristëve të shquar dhe se pret që të arrihet një marrëveshje me subjektet politike për këtë çështje.
