Pavarësisht sfidave, Mali i Zi është i fokusuar në forcimin e lidhjeve që do të kontribuonin në forcimin e pozitës së tij si një destinacion i sigurt investimi me një sistem tatimor të favorshëm, tha kryeministri Dritan Abazoviq. Në një takim me Sekretarin e Përgjithshëm të Organizatës për Bashkëpunim Ekonomik dhe Zhvillim (OECD), Mathias Cormann, në margjinat e Forumit të Paqes në Paris, ai deklaroi se Qeveria është e përkushtuar në krijimin e kushteve të favorshme për tërheqjen e investimeve të huaja direkte dhe hapja e tregjeve të reja, kryesisht përmes krijimit të një sistemi të qëndrueshëm politik që do të mbështetet në sundimin e ligjit dhe një luftë vendimtare kundër korrupsionit. “Gjatë takimit u vu në dukje bashkëpunimi i jashtëzakonshëm mes Malit të Zi dhe OECD-së dhe u theksua aktiviteti i vendit tonë në komitete të shumta në kuadër të kësaj organizate ndërkombëtare”, njofton Kabineti i Kryeministrit.
