Komunat më të vogla veriore janë në pozitë më të keqe se kurrë, tha Misella Manojlloviq nga Unioni i Komunave të Malit të Zi.
Ajo në emisionin “Rrjeti – Mrezha” theksoi se të gjitha komunat kanë nevoja dhe probleme të ndryshme dhe se komuna e Herceg Novit, si të gjitha komunat e tjera bregdetare, ndan të njëjtat probleme, siç është numri i policëve komunalë në sezon.
“Kushtetuta garanton autonomi për komunat. Karta Evropiane për Vetëqeverisjen Lokale garanton autonomi, dhe ne e dimë se nuk ka autonomi pa autonomi fiskale dhe burime, pa pavarësi ekonomike të komunave dhe burimet që u nevojiten për të kryer funksionet e tyre. Komunat ofrojnë shërbime të drejtpërdrejta dhe të menjëhershme për qytetarët, për rrugë, rrugë komunale e kështu me radhë”, tha Manojlloviq.
Ajo thotë se Karta Evropiane insiston në decentralizimin e përgjegjësive, që afërsisht 80 për qind e vendeve të punës të kalojnë në juridiksionin lokal, sepse është Qeveria ajo që është më afër qytetarëve.
Manojlloviq thekson se një nga problemet kryesore është niveli i pjesëmarrjes së komunës në krijimin e politikave publike.
Manojlloviq theksoi se komunat veriore janë në pozitë më të keqe se kurrë.
“Më duket se komunat janë në pozitë më të keqe se kurrë. E kam fjalën për komunat më të vogla veriore, janë të përjashtuara ato bregdetare, të cilat në parim mund të financohen, përveç Ulqinit”, tha Manojlloviq.
Ajo theksoi se në komunat e Tuzit dhe Gollubovcit duhet të forcohet kuadri dhe se koha do të tregojë efektivitetin e tyre dhe nëse ato janë të qëndrueshme.
Komuna e Tuzit, siç theksoi ajo, fillimisht kishte probleme me financimin dhe me personelin, por të gjitha këto shërbime janë duke u përmirësuar.