Përfaqësuesit e klubeve parlamentare zhvilluan sot raundin e dytë të konsultimeve për përzgjedhjen e gjyqtarëve të Gjykatës Kushtetuese. U ra dakord që konsultimet të vazhdojnë të dielën në orën 17.00. Iniciator i takimit është Partia Demokratike e Socialistëve, ndërsa kreu i grupit të tyre, Danijel Zhivkoviq, tha më herët se marrëveshja duhet të krijojë parakushte për zgjidhjen e krizës institucionale. Pas konsultimeve të sotme nuk ka pasur deklarata zyrtare, por shefi i grupit parlamentar të FD-së, Sllaven Radunoviq, ka thënë se shpreson në marrëveshje. Kryetari i FORCA-s Genci Nimanbegu tha se është një shenjë e mirë që konsultimet do të vazhdojnë. Presidenti i PDS-së, Milo Gjukanoviq, tha të martën se partia mund të votojë për një gjyqtar të Gjykatës Kushtetuese nëse ekziston vullneti për të diskutuar caktimin e datës së zgjedhjeve të parakohshme parlamentare dhe heqjen dorë nga miratimi i ligjeve jokushtetuese. Në mbledhjen e së mërkurës, modeli i qeverisë së përqendrimit u përmend si një nga zgjidhjet e mundshme të krizës. Të hënën, më 12 dhjetor, Kuvendi i Malit të Zi duhet të votojë në raundin e dytë për zgjedhjen e katër gjyqtarëve të Gjykatës Kushtetuese. Komisioni Kushtetues për Gjyqtarë propozoi Snezhana Armenkon, Ilija Vukçeviq, Jadranka Novakoviq dhe Jelena Ruzhiçiq.
