Komisioni Shtetëror Zgjedhor pritet të njoftojë rezultatet përfundimtare të zgjedhjeve parlamentare dhe lokale të 30 gushtit jo më larg se deri të hënën. Zëdhënësi i Komisioni Shtetëror Zgjedhor, Mersudin Dautoviq tha agjencisë MINA se zgjedhjet e përsëritura do të mbahen të enjten në një qendër votimi në Petnic. “Afati i fundit për dorëzimin e kundërshtimeve është 72 orë, ose të dielën në mbrëmje. Shpresojmë se nuk do të ketë kundërshtime ”, tha Dautoviq. Ai deklaroi se, brenda 12 orëve, kur skadojnë afatet për dorëzimin e kundërshtimeve, duhet të shpallen rezultatet përfundimtare.”Pra, të hënën në mëngjes më së largëti, apo edhe të dielën në mbrëmje. Kryetari i Komisionit Komunal të Zgjedhjeve, Adis Durakoviq, tha se janë 427 votues të regjistruar në qendrën e votimit në Petnicë ku votimi do të përsëritet. Sipas rezultateve jozyrtare të zgjedhjeve parlamentare të mbajtura më 30 gusht, koalicioni PDS – Millo Gjukanoviq fitoi 30 vende, koalicioni “Për të ardhmen e Malit të Zi” – 27, koalicioni “Paqja është kombi ynë” – 10 dhe platforma “E zeza mbi të bardhë” – 4. Partia Boshnjake dhe Social Demokratët do të kenë 3 deputetë secili, Partia Social Demokrate 2 ndërsa lista shqiptare “Nik Gjeloshaj – Genci Nimanbegu” dhe koalicioni “Bashkë nji za” nga 1 përfaqësues secili. Komisioni Shtetëror Zgjedhor pritet të njoftojë rezultatet përfundimtare të zgjedhjeve parlamentare dhe lokale të 30 gushtit më së voni deri të hënën.
