Një numër shkollash në Podgoricë morën njoftime për bomba të vendosura përmes postës elektronike këtë mëngjes.
Ministria e Arsimit ka bërë të ditur se mësimi sot do të zhvillohet online në shkollat e mesme dhe fillore në të gjithë Malin e Zi.
Ministria e Arsimit u ka dërguar rekomandim shkollave që nëse ka nevojë dhe në interes të nxënësve, të kompensohen orët e mësimit javën e ardhshme.
Përveç shkollave, mesazhe kërcënuese me gaz nervor dhe eksploziv kanë mbërritur edhe në adresat e disa gjykatave, Ministrisë së Punëve të Brendshme, Drejtorisë së Policisë, Drejtorisë së të Ardhurave dhe Doganave, mediave…
Policia ka njoftuar se e-maili kërcënues është dërguar në 135 adresa.
“Policia është duke ndërmarrë të gjitha aktivitetet në juridiksionin e saj në lidhje me raportimet për mjete shpërthyese të vendosura në disa institucione në Mal të Zi. Opinioni do të njoftohet me kohë për rezultatin”, njofton policia.
