Përfaqësuesi i Lartë i Bashkimit Evropian (BE) për Punët e Jashtme dhe Politikën e Sigurisë, Josep Borrell tha se evropianët duhet të gjejnë rrugë të tjera për t’u përgatitur financiarisht për një luftë potencialisht më të gjerë në kontinent.
Në një fjalim të mbajtur në hapjen e aktivitetit Forumi i Ekonomisë së Re, Borrell tha se “Lufta konvencionale me intensitet të lartë në Evropë tashmë nuk është më një ëndërr”.
“Lufta nuk do të fillojë nesër, por nuk mund të mohojmë të vërtetën”, theksoi Borrell i cili shpjegoi se Rusia vazhdon të kërcënojë Evropën.
Duke folur për mangësitë e BE-së në mbrojtje, Borrell tha se “Vendet anëtare të BE-së krijuan një Agjenci (Evropiane) të Mbrojtjes por nuk e financuan këtë”.
Pasi tërhoqi vëmendjen se situata e sigurisë në Evropë po përjeton “krizë ekzistenciale” për shkak të luftës në Ukrainë, Borrell potencoi se nevojitet mjet i ri financimi ndërqeveritar.
Duke folur për kërcënimin e ish-presidentit amerikan Donald Trump për mos mbrojtjen e aleatëve të NATO-s në Evropë të cilët nuk japin shpenzime të mjaftueshme në mbrojtje, Borrell tha se “Trump e zgjoi BE-në nga gjumi, e nxori atë nga zona e rehatisë”.
