Ministri i Administratës Publike, Marash Dukaj, është i ftuar në Mëngjesin e Lutjeve, i cili do të organizohet në Uashington më 31 janar dhe 1 shkurt 2024.
Në ftesë thuhet se pjesëmarrja në këtë tubim është një mundësi për të forcuar marrëdhëniet dhe lidhjet e ndërsjella të personaliteteve të larta amerikane nga më shumë se 140 vende. Mëngjesi i Lutjeve tradicionalisht mbledh presidentin dhe anëtarët e Kongresit Amerikan, zyrtarë botërorë dhe figura të jetës politike dhe publike.
“Jam i nderuar nga kjo ftesë, të cilën e shoh në radhë të parë si një njohje të reformave strategjike që po zbatojmë në Ministrinë e Administratës Publike dhe si konfirmim korrektësie dhe inkurajimi në përkushtimin e palëkundur të Alternativës Shqiptare ndaj politikës evropiane dhe euroatlantike të Malit të Zi civil,” ka vlerësuar Dukaj.
