Ministri i Administratës Publike, Marash Dukaj, ka folur në konferencën rajonale të Sigurisë Kibernetike të quajtur „Telekom Cyber Security“.
“Ministria e Administratës Publike dhe Qeveria e Malit të Zi i japin mbështetje të plotë zhvillimit të kapaciteteve të brendshme të mbajtësve të infrastrukturës kritike në sektorin privat dhe më vjen mirë që kemi iniciativa që vijnë nga sektori privat që kanë të bëjnë me forcimin e sigurisë kibernetike. Ne jemi të vetëdijshëm për faktin se të gjithë janë përgjegjës për një hapësirë të sigurt kibernetike dhe se pa kohezion dhe qasje dhe bashkëpunim të përbashkët nuk është e mundur të arrihet kjo. Për këtë arsye sektori privat ka partner në Qeverinë e Malit të Zi”, tha ministri Dukaj.
Dukaj shtoi se “Qëllimi ynë është të krijojmë një ekosistem digjital të sigurt që do të shërbejë si bazë për përparimin ekonomik dhe social të Malit të Zi në një botë gjithnjë e më të digjitalizuar”.
