Si të lani një xhaketë dimri të bardhë apo të zezë, me mbushje sintetike apo me pupla? Kjo është këshilla!
Xhaketat e dimrit duhen larë sa më rrallë për të ruajtur formën dhe ngjyrën, por edhe nëse nuk duken të pista, është koha për t’u larë në fund të sezonit, transmeton Telegrafi.
Mbushje sintetike
Është më e lehtë për ta bërë këtë me xhaketa me ngjyra të errëta dhe ato të mbushura me mbushje sintetike. Kontrolloni ato me kujdes dhe fërkoni çdo njollë me sapun për larjeje, mbërtheni xhepat dhe zinxhirët dhe futeni xhaketën në rrobalarëse.
Nëse kapuçi mund të hiqet, është mirë ta vendosni në një rrjetë të veçantë për larje.
Aktivizoni rrobalarësen në ciklin më të dobët të larjes dhe rekomandohet përdorimi i detergjentit të lëngshëm. Bashkë me zbutësin, mund të shtoni edhe disa lugë uthull alkooli. Shkundni mirë xhaketën e larë dhe vendoseni horizontalisht në tharëse. Kthejeni herë pas here dhe shkundeni xhaketën çdo herë. Mos e mbani tharësen në rrezet e diellit direkte.
Xhaketa me pupla
Kujdes i veçantë këshillohet nëse lani xhaketa të mbushura me pupla. Asnjëherë mos shtoni më rroba në kazanin e makinës, është e rëndësishme që të ketë hapësirë të mjaftueshme për xhaketën. Gjatë tharjes, herë pas here thyeni copat e puplave me gishta.
Nëse xhaketa me pupla është e bardhë ose bezhë, larja në makinë mund të çojë në një “katastrofë”.
Domethënë, pendët ndonjëherë përpunohen me kimikate, kështu që mund të shfaqen njolla të verdha në xhaketë. Prandaj është e detyrueshme larja me dorë dhe vetëm me ujë të vakët.
/Telegrafi/
