Kryeministri i Malit të Zi Zdravko Krivokapiq u ofroi përfaqësuesve të shumicës parlamentare që qeveria e ristrukturuar të ketë 16 departamente dhe tre nënkryetarë, dhe afati i fundit për vendimin është 10 tetori. Parimi kryesor i përmirësimit strukturor dhe personel të Qeverisë mbetet karakteri i saj ekspert, thuhet në propozimin që Kryeministri Zdravko Krivokapiq u dha përfaqësuesve të shumicës parlamentare në takimin e sotëm. “Një rritje e mundshme në numrin e departamenteve mund të përkojë me hyrjen e partive të pakicave në qeveri,” thuhet në propozim. Krivokapiq propozoi ndarjen e katër departamenteve – Ministrisë së Arsimit, Shkencës, Kulturës dhe Sportit, Ministrisë së Administratës Publike, Shoqërisë Dixhitale dhe Medias, Departamentit të Investimeve Kapitale dhe Ministrisë së Ekologjisë, Planifikimit Hapësinor dhe Urbanizmit. Siç mëson Dan, Kryeministri Zdravko Krivokapiq do të takohet me përfaqësuesit e partive shqiptare javën e ardhshme. Deputeti i Listës Shqiptare Genci Nimanbegu konfirmoi për gazetën “Dan” se ata ishin të ftuar për bisedë edhe këtë javë, por që nuk arritën të harmonizojnë datat. Siç thekson Nimanbegu, Kryeministri e ftoi atë dhe deputetin e koalicionit shqiptar “Bashkë nji za” në takim edhe tre ditë më parë. Po ashtu, ai thekson se Qeveria deri më tani nuk ka dashur që pakicat të jenë pjesë e Qeverisë. Ai deklaroi se ekziston mundësia që ata të hyjnë në Qeverinë e rindërtuar, nëse do ta dinin që ftesa është e sinqertë. Kryetari i PD, Fatmir Gjeka, shkurtimisht për “Dan” e konfirmoi se janë ftuar për bisedime dhe do ti përgjigjen ftesës dhe se takimi me shumë mundësi do të mbahen javën e ardhshme.
