Koha pas punës është e shkurtër dhe shpesh e mbushur me detyrime të ndryshme që duhet të përmbushni, të cilat ju lodhin edhe më shumë.
Prandaj, nuk është keq të keni një rutinë që do t’ju ndihmojë të relaksoheni dhe të lehtësoni përgatitjen e drekës ose pastrimin e shtëpisë pas punës.
Ekspertët thonë se ka gjëra që mund të bëni për të shfrytëzuar sa më shumë kohën tuaj pas punës dhe për ta bërë më argëtuese derisa të shkoni në shtrat, pavarësisht nëse jetoni me një partner, me fëmijët apo vetëm.
Ndërroni rrobat e punës
Këshilla e parë është të vishni rroba më komode, si pantallona sportive apo pizhame. Kjo është një mënyrë për t’i sinjalizuar trupit tuaj se keni mbaruar me punën dhe mund të relaksoheni për mbrëmjen.
Gjithashtu, i njëjti efekt arrihet kur fikni kompjuterin nëse punoni nga shtëpia, sepse të qenit me rroba pune dhe kompjuteri i ndezur mund ta mbajë trupin në gjendje pune.
Krijoni një rutinë pas punës që i gëzoheni
Të kesh një rutinë pas punës është shumë e rëndësishme. Kjo ju ndihmon të shikoni përpara pas një dite pune dhe ju ndihmon të relaksoheni në mënyrë që trupi dhe mendja juaj të pushojnë. Kjo rutinë do të ndryshojë nga personi në person dhe duhet të pasqyrojë atë që ju nevojitet në fund të ditës së punës.
Nëse je dikush që dëshiron ndërveprim social, shtoje atë në rutinën tënde. Nëse keni nevojë për kohë të qetë pas punës, respektojeni atë. Dëgjimi i trupit dhe nevojave tuaja do t’ju ndihmojë të kuptoni se çfarë duhet të bëni. Nëse nuk jeni të sigurt, mund të shkruani në një ditar ose të shkoni në terapi, për të gjetur prioritetet në jetën tuaj.
Lëshoni këngën tuaj të preferuar
Duke lëshuar muzikë pasi ktheheni nga puna, jep gjithashtu një shenjë se i keni mbaruar detyrat e punës. Nëse ndiheni të stresuar pas një dite të gjatë në punë, mund të vendosni edhe muzikë klasike qetësuese në listën tuaj. Çfarëdo muzike që zgjidhni, do t’ju ndihmojë të relaksoheni.
Fikni pajisjet që nuk ju nevojiten
Nëse keni një punë ku jeni në internet gjatë gjithë ditës, sigurohuni që të mos e përdorni kur jeni në shtëpi. Pra, vendosja e celularit në një dhomë tjetër ose mbyllja e laptopit do t’ju lejojë të jeni më të pranishëm me veten, partnerin ose familjen tuaj.
Bëni diçka ndryshe
Dhe për fund, bëni diçka ndryshe. Njerëzit shpesh kanë të njëjtën rutinë pas punës. Për ta luftuar këtë, duhet të përfshini disa risi dhe nuk duhet të jetë as ndonjë gjë e madhe. Mund të bëni darkë së bashku me partnerin ose të ftoni një fqinj t’ju shoqërojë. /Telegrafi/
