OJQ Shoqata e Kujdestarëve të Podgoricës, OJQ Shoqata e Hotelierëve të Malit të Zi, OJQ Shoqata e Artistëve dhe Interpretuesve të Estradës së Malit të Zi dhe OJQ Shoqata e Qendrës së Evenimenteve paralajmëruan protestë para Ministrisë së Shëndetësisë së Malit të Zi, në rrugën Rimski në Podgoricë, nesër në ora 11:55 ku do të shprehin pakënaqësinë e tyre dhe ftojnë autoritetet që deri të mërkurën, më datë 09.02.2022., të shfuqizohen të gjitha masat që kanë të bëjnë me hotelierinë dhe aktivitetet përkatëse. Siç thanë ata, në të kundërt, nënshkruesit e këtij njoftimi do të marrin vendim që të mos respektojnë masat e Ministrisë së Shëndetësisë së Malit të Zi, si dhe vendimin për radikalizimin e protestës, për çka do ta informojnë publikun me kohë. Siç shtojnë ata, hotelierët deri më tani janë munduar të përdorin mediat për të ndikuar në ekzekutivin që të gjejë hapësirë dhe mirëkuptim për bartësit e ekonomisë së Malit të Zi të cilët po luftojnë për bukën e gojës, por për këtë çështje nuk është ndërmarrë asnjë hap.
