Personat me aftësi të kufizuara (PAK) në Mal të Zi janë të ekspozuar ndaj diskriminimit në masë të madhe dhe shkalla më e lartë e pabarazisë sipas kësaj kategorie të shoqërisë është regjistruar në fushën e punës dhe punësimit, arsimit dhe sportit, sipas hulumtimit të Qendrës për Demokraci dhe të Drejta të Njeriut (CEDEM).
Menaxherja e programit të CEDEM, Andrea Miqanoviq tha se hulumtimi tregoi se shkalla e solidaritetit social është në nivel të lartë në Mal të Zi, madje edhe në krahasim me disa demokraci më të zhvilluara në perëndim.
Miqanoviq tha se 20.1 për qind e qytetarëve besojnë se të drejtat e personave me aftësi të kufizuara mendore/intelektuale janë shumë të rrezikuara, 37.7 se janë mjaft të rrezikuara dhe 19.9 se janë të rrezikuara në një masë të vogël.
![](https://tvboin.com/wp-content/uploads/2023/12/cedem-micanovic-696x464-1.jpg)
![](https://tvboin.com/wp-content/uploads/2023/12/cedem-micanovic-696x464-1.jpg)
Miqanoviq tha se në kuadër të hulumtimit, ata arritën në një fakt shumë shkatërrues – se diskriminimi në Mal të Zi kalon pa u vënë re sepse shumica nuk e raportojnë atë.
“Diskriminimi nuk është raportuar nga 68.2 për qind e të anketuarve që dikur e kanë parë apo janë përballur me të, 9.3 për qind e të anketuarve e kanë raportuar, 22.4 për qind nuk janë përgjigjur,” tha Miqanoviq.
Shumica e qytetarëve theksojnë se arsyeja është kompleksiteti i raportimit, ndërsa arsye të tjera përmendin mungesën e besimit dhe mos dijën se kujt t’i raportohet diskriminimi.
Në CEDEM, ata besojnë se informimi i qytetarëve se kujt t’i raportojnë diskriminimin, si dhe ndërtimi i besimit në institucione, do të ishte çelësi për rritjen e ndërgjegjësimit dhe rritjen e numrit të raporteve kundër diskriminimit.