I dërguari i posaçëm i SHBA-së për Ballkanin Perëndimor Gabriel Escobar tha se në Mal të Zi ata mbështesin çdo qeveri që është e fokusuar në axhendën evropiane dhe anëtarësimin në NATO dhe është e përkushtuar për forcimin e shtetit të së drejtës, përfshirë luftën kundër korrupsionit. Ai tha se për qeverinë amerikane, Ballkani Perëndimor mbetet një vend i mundësive të mëdha, si dhe një pjesë dinamike dhe e rëndësishme e botës ku mund të mbështetet për të ndërtuar miqësi. “Më vjen mirë që tre vendet e Ballkanit Perëndimor, të cilat janë edhe anëtarë të NATO-s, kanë treguar përparim të madh”, tha Escobar. Duke folur për luftën në Ukrainë, ai tha se të gjitha vendet e Ballkanit Perëndimor kanë votuar në koordinim me BE-në dhe kanë kontribuar në gjendjen humanitare në atë vend. Sipas Escobar, Ballkani Perëndimor ishte shumë rezistent ndaj efekteve të agresionit rus. Ai tha se vendet e Ballkanit Perëndimor janë një partner i rëndësishëm i SHBA-së.
